موضوعات: شهر رمضان

شهر البركة وشهر الخير.. شهر بيسعد حتى الطير

كله عبادة وفيها إفادة.. بنأديها بكل إجادة

ونكررها بكل سعادة.. ويا الأهل وويا الغير

شهر البركة وشهر الخير

شهر الرحمة والنفحات.. فيه اللمة بتشفى آهات

فيه القدر بقدرة قادر.. فرصة عظيمة لكل مبادر

يكسب فيها الأجر النادر.. أكتر ما بيحلم بكتير

شهر البركة وشهر الخير

شهر بكل شهور العام.. لما يهل بيجري أوام

ضيف وخفيف.. شتا أو صيف.. قلبه علينا وقصده شريف

أعظم شهر وأجمل طيف.. نوره مصحصح كل ضمير

شهر البركة وشهر الخير

زهرة وفايحة بريحة عطر ..

جاية تهني بعيد الفطر

جاية تقول لجميع الناس ..

عيد المسلم عيد إحساس

فرحة ولكن ليها أساس ..

يجمع كل قلوبنا الشاردة

كله تسامح .. كله مودة

ترجع تاني الأمة الواحدة ..

أمة قوية .. مش تبعية !

أمة وقايمة على الحرية ..

من غير فوضى أو همجية !

فيها المسلم فعلا مسلم ..

مش متعصب ولا مستسلم !

حابب غيره .. زايد خيره ..

راضي بعيشته ومش مضطر !

والله بعودة يا عيد الفطر