You are currently viewing أنا إنسان ومش ساحر

أنا إنسان ومش ساحر

أنا اللي قلبي كان موجود

وكان نفسي في كام مولود

وكان نفسي أكون موجود

وكان نفسي أعلمهم بدون ما أقصد

يشوفوني وأنا راكع لرب الخلق

ويفتكروني بعد الموت

أنا اللي قلبي كان موجود

وكان نفسي في بيت أبيض

وكان نفسي في قلب أبيض

يشوف قلبي بلون أبيض

ولو حتى ما كنش أبيض

وبعد الموت

يكون قبري بلون أبيض

أنا اللي قلبي مات موجوع

وأنا شايفه بلون أبيض

وكل الكون بلون أبيض

وشافني الكون بلون تاني

أنا باطن وأنا ظاهر

أنا ظالم وأنا صابر

أنا ساكت وأنا شاعر

أنا ذكرى وأنا حاضر

أنا فكره وأنا خاطر

أنا إنسان ومش ساحر

د. سامح يوسف - مصر

Copyright © 2013 • AHLAN.COM • All Rights Reserved

انشر تعليقك