العدد 122 - أهلاً العربية

أصله مصري واللا خسيس

أصله مصري واللا خسيس

بقلم/ حمدي رسلان
مصر : ۱٤-۱۲-۲۰۱۳ - ٦:٤۳ ص

عمر الخاين ما يكون إبنك

إبنك عمره في يوم ما يهدّك

إبنك يبني يعلّي ويرفع

ويعمّر ويخّضر أرضك

 

أما دول شلة مهاويس

عايزين مرسي وبس رئيس

دمّر إنهب فجّر نفسك في الأوتوبيس

وإرفع كفك إلا صباع

هاجم مصري أديب في باريس

إقفل يلاّ شوارع مصر

سبت تلات أربع وخميس

 

وأما الشرطة تحب تفرّق

إصرخ إهتف "ظالم يا بوليس"

وأستنجدوا بأوباما حبيبكوا

بيّن أصلك مانتا خسيس

 

مصر دي غالية ومن غلاوتها

دمنا بالنسبة لها رخيص

مصر دي إحنا مش جماعتكم

أحلى عروسة لأحلى عريس

مهرها غالي ومش في جيوبكم

نفديها روحنا وهي تعيش

 

اللي بيزرع إرهابه فينا

واللي يدّمر بأديه سينا

يبقى معانا واللا علينا

فين عقلكوا ماهي حاجة تغيظ

أصله مصري ده واللا خسيس؟

 

اللي عايزنا نموت ما نعيش

واللي يهاجم رمز الجيش

واللي بيآخد ما بيديش

واللي سايقنا وراه كمعيز

أصله مصري ده واللا خسيس؟

 

اللي يشوّه جدران بلده

واللي يكّسر رصفان أرضه

واللي يشكك لحظة ف عرضه

ويقول لعدوه انت عزيز

أصله مصري ده واللا خسيس؟

 

اللي ينادي الغرب تعالوا

هدّوا المعبد شقلبوا حاله

ويسخّر مجهوده وماله

لقتل شعبه بدون تمييز

أصله مصري ده واللا خسيس؟

 

اللي يدوّق شعبه المر

وعايز يبني الجيش الحر

وطنّهم سينا في السر

عربي بكستاني وماليز

أصله مصري ده واللا خسيس؟

 

اللي ما عنده ضمير ولا ذمّة

وعامل نفسه زعيم الأمة

وما ذكرش الأقصى بكلمة

والدليل.. "عزيزي بيريز"

أصله مصري ده واللا خسيس؟

 

اللي شعبه خرج يوم ضده

والشرعية دي كانت ردّه

وأما شاف ملايين بتعارضوا

قال لجماعته النجده بليز

مصري ده أصله واللا خسيس ؟

أكتبي لي

أكتبي لي

بقلم/ غارسيا ناصح
مصر : ۱۳-۱۲-۲۰۱۳ - ٦:۵۳ م

رابط الموضوع  |  الكلمات الدلالية: , , ,
المهم في قضية الرهائن

هذا هو المهم في قضية الرهائن السبعة

بقلم/ اسراء الزاملي
مصر : ۱۲-۱۲-۲۰۱۳ - ٦:۳٤ ص

وحدة الجيش وسيناريو التقسيم

وحدة الجيش وسيناريو التقسيم

بقلم/ إسلام طلعت
مصر : ۱۲-۱۲-۲۰۱۳ - ٤:۵۵ ص

مؤسسة الأسد للكيماويات

مؤسسة الأسد للكيماويات

بقلم/ أحمد مصطفى الغر
مصر : ۱۱-۱۲-۲۰۱۳ - ۵:۰۱ م

سيكولوجية الخداع

سيكولوجية الخداع

بقلم/ محمود أحمد الرفاعي
مصر : ۸-۱۲-۲۰۱۳ - ۹:٤٤ ص

لنکن واقعيين

لنکن واقعيين

بقلم/ منى سالم الجبوري
مصر : ۲۸-۱۱-۲۰۱۳ - ۷:۲٤ ص

الإنقسام السلوكي والفكري

الإنقسام السلوكي والفكري في فلسطين، هل أصبح واقعاً؟

بقلم/ ضياء عبد العزيز
مصر : ۲۷-۱۱-۲۰۱۳ - ٦:۳٤ ص

أيه العبارة؟

أيه العبارة؟

بقلم/ عبد العظيم جاد عبد العزيز
مصر : ۲۷-۱۱-۲۰۱۳ - ٦:۰٤ ص

الشباب بين المعاناة والكبت

شباب مصر بين المعاناة والكبت

بقلم/ محمد حسين
مصر : ۲٦-۱۱-۲۰۱۳ - ۳:۲۲ م