طلة على أمثالنا الشعبية ٧

طلة على أمثالنا الشعبية ٧

بقلم/ عبد العظيم جاد عبد العزيز
مصر : ۹-۷-۲۰۱۳ - ۹:۰۳ م

الأم تدعي على ولادها وتكره اللي يقول آمين

وولادها دايريين على حل شعرهم شمال ويمين

لا مدرسة بتعلم ولا قانون بيردع ولا قيمة

الكل سادر في غية وجهلة بعزم مكين

 

عوره ودخلتها الضهر وماله ربنا يبارك

لازم نواجه الحقيقة مهما كانت مرة

عروسة من حقها تفرح في ليلة حب ومسرة

العورة بنت وأخت في فرحها لازم كلنا نشارك

 

اللي له ضهر ما ينضربش على بطنه

وينضرب ازاي مدام ضهره مسانده

مدام الحسب والنسب قيم سايدة

يبقى الفقير الغلبان ملوش عيش في وطنه

 

اللي خلف مامتش يعني حي بأولاده

المهم التربية علشان بالخلف تتباها

وتحجم فجور النفس ويبان تقواها

ويبقى المثل صحيح حتى في أحفاده

 

المعونة والسيادة

المعونة والسيادة

بقلم/ د. أوعاد الدسوقي
مصر : ۹-۷-۲۰۱۳ - ٦:۱۲ م

٣٠ يونيو إنقلاب عسكري؟

٣٠ يونيو هجين إنقلاب عسكري

بقلم/ وفاء داود
مصر : ۹-۷-۲۰۱۳ - ۱۰:۳۱ ص

الإخوان والكراهية - ٢

الإخوان المسلمون وصناعة الكراهية - ٢

بقلم/ د. محمد النعماني
مصر : ۸-۷-۲۰۱۳ - ۱۱:٤۰ ص

هي جت كده واللي عنده كلمة يلمها ٧

هي جت كده واللي عنده كلمة يلمها ٧ - الإفساد

بقلم/ عبد العظيم جاد عبد العزيز
مصر : ۸-۷-۲۰۱۳ - ۱۱:۳۱ ص

إخوانا المسلمين أقصد إخوانا المسلحين

إنتوا بس المسلمين وإحنا كفرة ملحدين؟

ده تصنيف قاعد في رقبتكم إلى يوم الدين

بتتمسحوا في الخلافة خلافة إيه يا مدعين

الخلافة في كتب السلف بس للراشدين

إيديكوا متلطخة بدم الشباب والأطفال والمسنين

عايزين تسرقوا وطن عزيز على كل المصريين؟

كان غيركم أشطر في مصر مدفونين

مصر بجيشها وشعبها مسلمين ومسيحيين

متجمعين في خندق واحد ضد الموتورين

يارب أنصرنا بفضلك علي القوم المفسدين

مصر مش ناسيه جميلك

مصر مش ناسيه جميلك

بقلم/ د. سامح يوسف
مصر : ۸-۷-۲۰۱۳ - ۱۰:۲۳ ص

محيت حواجز بينك وبينا

مديت جسور وعبرت لينا

عبور محبه وخوف علينا

يا مصر جيشك بين ايدينا

عمرك في يوم ما خنت دينك

والصدق باين فوق جبينك

رجعّت ضحكه غابت عن عينينا

رجعّت مصر وكنا اشتقنا ليها

حبك لمصر تستاهله عينيها

مصر مش ناسيه جميلك

مصر اللى زارعه في قلوبنا الشهامه

رفعت راسها وعليها ابتسامه

ينجيك يا ولدى ومليون سلامه

الإخوان والكراهية - ١

الإخوان المسلمون وصناعة الكراهية - ١

بقلم/ د. محمد النعماني
مصر : ۷-۷-۲۰۱۳ - ۳:۵۷ م

برزت خطابات التحريض على الكراهية بشكل واضح في المشهد السياسي العربي والإسلامي بعد ثورات الربيع العربي، ويمكن لنا أن نرى مثل تلك الخطابات والتحريض على الكراهية تمارس من قبل القوى الإسلامية الحاكمة في بعض البلدان العربية والإسلامية تجاة المعارضين السياسين لها في الخطاب الإعلامي والسياسي للعديد من القوى السياسية الإسلامية الحاكمة التي إختطفت ثورات الشباب العربي والإسلامي بما يعرف بالربيع العربي ووصلت إلى السلطة والحكم في العديد من البلدان العربية والإسلامية سواء كانت مصر أو تركيا أو إلىمن أو تونس أو ليبيا أو القوى السياسية الإسلامية المعارضة للأنظمة في سوريا والعراق ولبنان وإيران، ويمكن أن نقول هناك يجري إستغلال للعديد من الأحداث في "صناعة الكراهية" وهي صناعة تدخل فيها الإعلام والانترنت إلى حانب التظاهرات والمسيرات والحرب الإعلامية والنفسية والفوضي والعنف والإفتراء على كل ما يجري من أحداث وأخبار وإطلاق الإشاعات، ويبدو لي أن الإخوان المسلمين بارعين بإسم الاسلام في إفتعال الأحداث والمشاكل وإطلاق الإشاعات وإنتاح وصناعة ثقافة الكراهية بهدف كسب تعاطف المؤيدين لهم ومواجهة المعارضين لهم لتمزيق صفوف الأمة أو للحصول علي تنازلات لتحقيق أهدافهم وهنا يمكن الإشارة إلى خطاب مرشد الإخوان المسلمين في مصر حيت قال بديع الذي كان يتحدث بين حشود من مؤيدي مرسي "الإخوان يوافقون على إخلاء الميادين مقابل عدم التعرض لقيادات الجماعة".

أنا المصري

أنا المصري

بقلم/ د. سامح يوسف
مصر : ٦-۷-۲۰۱۳ - ۵:۱۷ م

أنا المصري

أنا الريس وأنا الحاكم

أنا الآمر وأنا الناهي

 

أنا المصري

أقولك قوم تروح قايم

وشرع الله ما زال باقي

 

أنا المصري

أنا طير في السما هايم

رساله حب في جناحي

 

أنا المصري

أنا الريس وأنا الحاكم

أنا الآمر وأنا الناهي

 

أنا المصري

أنا قبطي وأنا مسلم

ودمي في الحقوق حامي

أنا المصري

يا مرشد ضرير

يا مرشد ضرير

بقلم/ د. سامح يوسف
مصر : ٦-۷-۲۰۱۳ - ٤:۵۷ م

يا مرشد ضرير

وفاكر طريقك نور

احشد جموعك

جهز سلاحك

اسحب زنادك

عارف مكان القلب

جواه تلاقي الشعب

فيه السلام والحب

انهي عليه

والدين برئ منك

يا مرشد ضرير

قلبي ما خافش

من النفير والطيش

قلبي ما ماتش

من السلاح والجيش

قلبي انا

قلب الوطن والدين

عجيبه والله يا بلادي

عجيبه والله يا بلادي

بقلم/ د. سامح يوسف
مصر : ٦-۷-۲۰۱۳ - ۳:۰۱ م

عجيبه والله يا بلادي

تثوري كل يوم في الليل

ويصبح كل شئ عادي

 

ومغرب من وراه مغرب

وريس من وراه ريس

ولسه شعبنا بيثور

ولسه شعبنا بيضحك

ولسه الشعب هو الشعب

ولسه الغنوه والنكته اعز اصحاب

 

عجيب ابنك

يحب بنت في الثوره

ونسأل ليه يقول حره

يحب الصحبه لو حلوه

عجيبه الصحبه في بلادي

فيها القبطي والمسلم

يتحاكوا ويتسلوا

 

ونكته يروح معاها الخوف

وغنوه يملوا بيها الجوف

ولا يوصف هوانا حروف

عجيبه والله يا بلادي