طلة على أمثالنا الشعبية ٧

عبد العظيم جاد عبد العزيز
مصر : ۹-۷-۲۰۱۳ - ۹:۰۳ م - نشر

الأم تدعي على ولادها وتكره اللي يقول آمين

وولادها دايريين على حل شعرهم شمال ويمين

لا مدرسة بتعلم ولا قانون بيردع ولا قيمة

الكل سادر في غية وجهلة بعزم مكين

 

عوره ودخلتها الضهر وماله ربنا يبارك

لازم نواجه الحقيقة مهما كانت مرة

عروسة من حقها تفرح في ليلة حب ومسرة

العورة بنت وأخت في فرحها لازم كلنا نشارك

 

اللي له ضهر ما ينضربش على بطنه

وينضرب ازاي مدام ضهره مسانده

مدام الحسب والنسب قيم سايدة

يبقى الفقير الغلبان ملوش عيش في وطنه

 

اللي خلف مامتش يعني حي بأولاده

المهم التربية علشان بالخلف تتباها

وتحجم فجور النفس ويبان تقواها

ويبقى المثل صحيح حتى في أحفاده

 

المثل الأول يؤكد حب الأم لأولادها حتى في حالة غضبها عليهم.

المثل الثاني يحث على ضرورة مواجهة الواقع.

المثل الثالث ينبذ الوساطة والمحسوبية.

المثل الرابع يحث على أهمية التربية السليمة للأبناء.

عبد العظيم جاد مصر

Copyright © 2013 • AHLAN.COM • All Rights Reserved

 

مشاهدة الصور

(تصفح تعليقات الزوار أو أضف تعليق جديد)



مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق