على لسان البرلمان

على لسان البرلمان

بيقولـِّي البرلمان ..

بتمنى مـن الرحمن ..

ما يخطي عتبتي إلا ..

النائب الإنسان !

اللي بيوفي بوعوده ..

واللي بيعرف حدوده ..

واللي يخلي الضعيف ..

صالب بالحق عوده !

واللي بيبقى الإخلاص ..

لحياته وشغله أساس ..

واللي يعُول المحتاج ..

ويداوي جراح الناس !

واللي ما يعرفش ينافق ..

وكلامه حقيقي وصادق ..

ولا يسرق مال الدولة ..

ولا يقدر يعصى الخالق !

قولتله وياك أنا بحلم ..

إننا مـن الأول نفهم ..

مقدار المسئولية ..

أحسن في الأخر نندم !

وبإذن الله مولانا ..

نختار اللي ما ينسانا ..

وقلوب نوابنا تكون ..

ببذور الخير مليانة !

بعد المقال الحالي، أهلاً تقترح:
فراشــة صـغـيـرة
[/responsivevoice]

انشر تعليقك