You are currently viewing إياك تفكر

إياك تفكر

وإياك تفكر

إن احنا شعب ولينا ريس

والهتاف يعيش يعيش

وإياك تفكر

إن في مشروع ونهضه

وكل نهضه وليها ريش

وإياك تفكر

إن الفريق كان شئ جميل

والجميل كان عنده جيش

وإياك تفكر

إنك تثور حرام وعيب

الحرام إنك تبيع بلدك وأهلك

لأجل جماعه ما تساويش

وإياك تفكر

إن بكره الجاي ليهم

والأمل خلاص مفيش

وإياك تفكر

ولا أقولك

فكر يا باشا

فكر يا بيه

وإياك تسلم عقلك ولو بجيش

وإياك تبيع فكرك بعيش

ده يومها بس تكون مفيش

دي الفكره عيش

والكلمه تسوى ألف جيش

د. سامح يوسف - مصر

Copyright © 2013 • AHLAN.COM • All Rights Reserved

انشر تعليقك