ومش عارف

ومش عارف

و مش عارف دى ضحكه بجد ولا سراب

و مش عارف حبيبتى ولا جايه تنسى عذاب

و لا عارف بلادى ولا بلاد غيرى فيها الحلم

ولا عارف صحابى صحيح ولا صحاب قهوه

و هعرف ليه وانا كاره لكل اللى ادعى العفه

ولا نفسى فيوم أعرف….. وأعيش خايف

خايف تكون كل ضحكه سراب

و فيكى كل حاجه ضباب

وخايف تسيبى جوه حضنى الهم

و برضه تكونى عندى أهم

وخايف من بلاد الغير

ما أنا لسه بحب وأغير

خايف من صحاب حجرين على القهوه

و كل عفيف يكون بيدعى العفه

ولما اعرف واسيب السيرك

اكون زى اللى تاه من اهله فالزفه

فعرف ليه وتاه السيرك فالزفه

د. سامح يوسف مصر

Copyright © 2013 • AHLAN.COM • All Rights Reserved

بعد المقال الحالي، أهلاً تقترح:
ومضات: العودة للدعوة
[/responsivevoice]

انشر تعليقك