حوار مع الرئيس قبيل التنحي

بقلم/
مصر : ۱۰-۲-۲۰۱۱ - ۷:۳۰ ص - نشر

حوار مع الرئيس قبيل التنحي

حوار بين الشعب والرئيس ساعات قبيل التنحي – كتبته فجر الجمعة الحادي عشر من فبراير الجاري

هنا وقد اعتصرني الموقف الأليم لتعنت النظام، وظفت مطلع أغانى خفيفة مع الشكر للست وعبد الوهاب وحليم

اما الجزء الاخير فقد اشتمل على سؤال لمبارك عن تمنياته وقد اقترب الرحيل ربما اليوم او غدا

وفق الله مصر وشعبها

*****

اللي قبلك قدموا أكتر منك، إنت بقه عملت إيه وقد حكمت أكثر منهما معاً

شوف: الأول أمم القنال بقرار مخيف وكمان بنى سد عالي، والثاني حقق العبور

طب ما أنا جبتلكم نظيف وغالى وفتحى سرور

كفاك إستخفاف، دعك من الإلتفاف، جمال دوخ العدو بحرب الإستنزاف

واللي مهدت للسادات النصر

كانا من الاحرار

أنا كمان عملت إستنزاف

بس لكل ثروات مصر

*****

منحتكم حكومة نادرة، أسماؤهم تشهد لهم

مبارك النظيف الشريف الحبيب الرشيد الغالي الفاروق المفيد المغربي العز الفقي المتسامح فهمي زهير أمين سرور

أسماؤهم تدل على اعمالهم

*****

بكرة لما اقابل ناصر والسادات اقولهم ايه قوللى وحياة ابوك

لما جمال وانور يسألوك

سم وللا منصة، قولهم فيس بووك

*****

اتحدث اليكم بصفتي رئيساً للجمهورية.. الريس

الشعب

كان زمان

ارحل ارحل

*****

لابد ان ابقى لحماية البلاد من الفوضى

نظامك عنادك هو المتسبب في الفوضى

*****

امرت بتعديل الدستور

قبل كده زوروا الدستور

ارحل ارحل

*****

مش هارحل الشعب هو اللي لازم يرحل

فوضت الرئاسة لسليمان

ما أنتما إلا فرعون وهامان

*****

ولكنه للارهاب قد توعدَ

ما انتما الا

وجهان لعملة واحدة

*****

انا صاحب العبور

ارحل ومعاك فتحى سرور

*****

هدفى حماية الوطن الغالي

ارحل ومعاك يوسف بطرس غالي

*****
اننا نرفض التدخل الأجنبى مثلما صرح عني أبو الغيط

ده عبـ… ارحل ومعك ابو الغيط

*****

سوف نرفع المرتبات 15% تدفع من البترول

ارحل ومعك وزير البترول

*****

لن أرحل قبل سبتمبر وده من حقي

كسر حقك ارحل ومعك انس الفقي

*****

شعب مصر يعلم إنى شريف

ارحل ومعك صفوت الشريف

*****

جبتلكم النصر والكرامة وهاعيشكم فى نغنغة وعز

جبتولنا الفقر والندامة ارحل ومعك احمد عز

*****

ألمني ما قاله عني بني وطني الا يعلمون انى نظيف

تلاتين سنة بتقوللي اربط الحزام على بطني

ارحل بقة ومعك احمد نظيف

*****

هذه البلاد ورثتها عن سلفنا

ماانتم الا عبيد احساناتنا

والله لقد ولدتنا امهاتنا احرارا والله لن نورث بعد اليوم

*****

التاريخ يشهد لي بستين سنة كفاح

بالامس قلت ثلاثين واليوم ستين موش هانستنى لما تقوللنا بقوا تسعين

*****

ان الحرج كل الحرج الا احترم ارادة الناس، بس موش لدرجة الرحيل

ساعتها كلنا حبسنا الانفاس، كنا فاكرينك هاتعلن الرحيل

هل لديكم البديل

اسأل حمدين وللا وائل أو حمدي قنديل

*****

العيب كل العيب الا استجيب لابناء شعبي

لو كنت تعرف العيب لما سلطت على رقابنا وزير داخليتك اللاعادلي

اه منك يانا يا غلبي

انتهى الدرس يا

*****

ان دم الشهداء لن يضيع هدر

هم منكم براء انتم من بهم قد غدر

تألمت لما حدث لهم

سأمر بعقوبات رادعة

للمرة الرابعة ارحل قبل ما

*****

لكن كلهم خدموا البلد

البلد عايزة ولد

*****

انتم لسه شعب قاصر، بتبصوا لفوق

بكرة يجيلك واحد زى ناصر

يقوللك اللى قاله لفاروق

*****

الجيش يحمينى هايمنعكم

الجيش والشعب ها يخلصنا منكم

معا حذا حذا نقضي على كل من وعد ولم ينجزا

*****

امريكا تحمينى وتوفرلى الامان

ودينى – اللى متغطى بيها عريان

*****

انا احترم ثوار 25 يناير

ارحل قبل مايبهدلوك كعب داير

من غير بيت حائر

ارحل  النهاردة 11 فبراير

*****

كنت شابا ناضلت من اجل النصر بجد وعزيمة

ده صحيح بس بعد كده النصر مع  الظلم كأنه هزيمة

*****

انا صاحب الضربة الجوية الاولى اعزائى الثوار

الضربة الجوية لاتبرر السبعين مليار

*****

لقد هتفت فى شبابى ياخالد روح قول لأبوك المائة مليون بيحبوك

فلا يصح  تقولوا لابنى قول لابوك الشعب المصرى بيكرهوك

*****

سأبقى لسبتمبر لتفهمى المسؤلية

دى مسؤلية عزيزة على-معزة الروح للحرية- مافيش انا فيه احنا يا صاحبى

و ان لعبت اللعب اياه -ولا هممك غير مصلحتك- وظلمت فى خلق الله

هانقوللك يا عديم الديموقراطية يا خائن المسؤلية

*****

وهنا تدخل سامى عنان -ايها الرجال- اننا مع الشعب وانا لمجتمعون

هذا الامر عايز ولد زى جمال ايها  المواطنون

قوم حدد اقامته هو واصحابه- تدخل التاريخ من اوسع ابوابه

*****

كيف تجرؤون على مبارك قاهر العدى

اخى  جاوز الظالمون المدى

*****

بكره لما اقابل ناصر والسادات اقولهم ايه وحياة ابوك

لما جمال وانور يسألوك

سم وللا منصة قولهم فيس بووك

*****

يا شعب انت موش عارف انت بتتكلم مع مين

سألنا الاسرائيليين قالولنا عدونا ناصر ماتجيبليش سيرتة وصدييقنا انور وخليفته

*****

بكرة تعرفوا قيمتى لما تعدوا الناس اللى فى جنازتى

احنا صحيح كنا حبناك بس جنازتك هاتكون زى جنازة الى عينك

فقط حفنة من الاعدقاء وكمان رؤساء امريكا واللى هم على شاكلتك

وعن جنازيتكما غاب الشعب الا بعض من حاشيتك

*****

اعترفت بالخطأ ووعدت بالتصحيح

ده صحيح ولكن برضه ارحل استريح

*****

ادونى فرصة ألم شنطى دى اصلها حاجات كتير

حاجات كتير مين يا عم ياعم روح كده واتلم

*****

اديتكم كتير افلا تعقلون

ارحل ياكبير- ولاتبقاش زى نيرون

*****

شفتم بيتهموتى بايه قال ايه مستكترين على سبعين مليار

يا سعادة البيه يا حضرة الطيار -الشعب احتار- ليه ما كدبتش الخبر أو الاشاعة

دول شوية غجر بيصدقوا الصحف والاذاعة

دول اخوان… تقصد الفزاعة

*****

طب خدوا مليار وسيبونى سنه كمان

عايزنا نرجع زى زمان قول للزمان ارجع يا زمان

*****

بس انا ندمت

تفيد باية أيه ياندم وتعمل أيه يا عتاب

*****

خدوا الوزرا وسيبونى

ما تعذبناش

*****

اديتكم احلى مافى الدونيا اديتكم عمرى

بلاش العتاب الشعب فاض بيه العذاب بلاش يا حسنى

*****

ليه اديت اسرائيل الغاز بالرخيص

سؤال عويص- بس ده علشان استقرار بلادنا

عارف لو كنت ايدته لولادنا

كانوا وللعوا بيه فى بلادنا

*****

يا شعبى انا اللى عشانك ضحيت رجعنى لله

عايزنى ارجعلك تانى لاه لا للا

*****

هالغى مجلس الشعب والشورى غيرت الخكومة

زى ماقالت ثومة

اعطنى حريتى اطلق يديا

*****

رجعونى اعطيتكم بلا حساب

حلو وكداب لية صدقتك

الحق على اللى 30 سنة طاوعتك

*****

ليه زمان اهل بورسعيد شالوا على رأسهم الريس بعربيته بينما أنت حاولوا يقتلوك

ياعم ده الاول اكلهم عيش حاف والتانى استورد لهم الخشاف

والانفتاح اصبح انفشاح

اما انا اديتهم الاستقرار

*****

انا شديد الالتزام احارب التسول

دة كلام عظيم والدليل على الالتزام انك الوحيد الذى التزم بحظر التجول

اضاف احد وزرائه الهمام

موش كده وبس بل و24 ساعة فى اليوم

*****

مكافحتى للارهاب معروفة

اتحداك تمشى فى عربية مكشوفة

انا بس خايف على الشبان يعملوا زى زمان

يشيلوا سيارة الريس على اكتافهم بعدين  تتكسر عظامهم

*****

لم اكن اتوقع شعب مصر يرفع الحذاء على صورتى مهذئين بذلك فخامتى

لقد بكيت لم تحصل من خمس الاف سنة

ظالم وكمان رايح تشكى لأ لأ دانتا كان حقك تبكي

*****

خمسين سنة من الحكم العسكرى كفاية بقه

مالوا الحكم العسكرى كله ثقه

غير ان ناصر ابتلاكم بمجانية التعليم والسادات عمل على الاعلام تعتيم

اما انا وحدى انا بعت البلد بتلاتة مليم

*****

بس ياريس ناصر والسادات

نادوا بتنظيم الاسرة وحذروا من زيادة السكان

*****

حوار بين مبارك واعوانه

أهى دى بقه تخصصى هم اللى ماتوا فى العبارة موش دا برضه يخفف من تعداد السكان

وهنا تدخل واحد وزير ماتنساش ياريس حوادث القطارات ودورها فى تحقيق توجيهات سيادتكم بخفض تعداد السكان

كمان المياه الملوثة والاطعمة المسرطنة كلها تساهم فى خفض تعداد السكان

وزير أخر وكمان ماننساش المصريين اللى طفشناهم بره

*****

ياريس احنا عارفين وطنيتك بس يعنى كيلو اللحمة بميت جنيه

والفراخ غليت

والرز الطاق طاقين

شوفوا ياولاد كتر اللحمة  بيجيب النقرس وانا خايف على ولادى

بنغللى الاسعار عشان ماياكلوش كتير وكمان عشان ما يتخنوش

وهنا تدخل واحد استاذ دين بس من رجال السلطة

وكمان يا ريس سعادتك لما امرت بتجويعهم لأنه ما ملأ بنى أدم وعاءا أشر من معدتة

الرئيس يالكم من منافقين اعمل ايه كل ما غير واحد ما أسوا من نظيف الا عبيد

نرجع لموضوعنا

وفجأه ظهر يوسف بطرس واضاف لريسنا

اما عن الفراخ موش لازم ياكلوا فراخ ماهم مش احسن من سمير غانم ماكلهاش من الاعدادية

ظريف أوى انت واللى عينك احمد نظيف

وزير البترول- ياريس ماياكلو طعمية كمان دي صحية

الشعب مابقاش فيه فلوس ولا حتى للطعمية ناهيك عن الدروس الخصوصية

الريس ماهو عشان كدة زودناكم 15 فيلمائة

طب ماهو ده ها يزود الاسعار

انا احترت منكم انا محتار

*****

انت قلت من خمس سنين الحاكم اللى شعبة موش عاوزه اشرف لة يمشى

ايوه بس انا ماتغيرتش الشعب هو اللى رجع فى كلامة

وبعدين تعالو هنا مين قال ان المصريين مش عاوزننى

اسمع بنفسك صوت شعبك مسمع من التحرير لغاية سيدنا الحسين

ومن الاسكندرية يسمعهم اللى فى وادى النطرون

بيقولو ايه لعلهم بيشكرونى على الى حوشوه من منحة عيد العمال اللى فات

لا دوك بيقولو بعد الشر يعنى يا مبارك ارحل عنى

وارحل دى يقصدوا بيها ايه مش معقول يستجرو يقولولى امشى

ارحل يعنى

امشى يمكن ما بيفهمشى

ياريس جاءت لحظات الوداع.. تحب تقول ايه لشعبك

ماعرفتش تحبني

*****

ولجمال

نشنت يا فالح

ولعاطف عبيد- ضيعتنا يا بعيد

وليوسف بطرس- زى ماقاله ابوه

وللحبيب العادلى- ايه ذنبى ايه لما انت وزيرى

ولابو الغيط- ذو  اللسان السليط

ولسرور-  مغرور

ولمفيد شهاب- بلاش عتاب

ولسامح فهمى- فهمتكم فهمتكم

ولاحمد عز- انت  اللى قتلت مامايا وبابايا

تقول اية للمثل اللى بيقول أسد على وعلى العدو نعامة

تقصد مين بالكلام ده

الحدق يفهم

*****

ولاوباما – كدنا العزال

ولابن على-  انتم السابقون

ولاسرائيل-  ساكن قصادى وبحبة

ولزعماء الغرب- تخونوه وعمره ما خانكم تبيعوه وعمره ماباعكم ولا انشغل عنكم حسني

ولكل ديكتاتور- انا باستناك

ولسوزان -لسة فاكر كان زمان

ولوزير الاعلام- دا كلام

وزهير-  سواح والخطوة بيننا وبين الشعب براح

ورشيد – ظلموه

وملك السعودية خللى بالك من شعب مصر دي برضه مهما ان كان فهى عشرة عمر

طب ووائل-  كنت فين وانا فين جيتلى منين

**********

حمدى زكى مدريد

المستشار السياحى سابقاً بأسبانيا

Copyright © 2011 • AHLAN.COM • All Rights Reserved

 

مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

تعليق واحد

أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق