You are currently viewing حاجة تبغبغ اللخبطان

حاجة تبغبغ اللخبطان

كل مرة أمسك القلم والقلم حرنان

مرات عديدة ملهوش مزاج ومرات عيان

العيا عارفينه لكن المزاج ليه تعبان؟

تعبان من حال البلد اللي ظاهر للعيان

تعبان لمواقف متناقضة وحاجة تشتت الأذهان

اعتصامات عديدة لزيادة الأجور والإنتاج عطلان

وطلاب علم سابوا علامهم وانقلبوا غربان

نشروا الخراب والحرائق والعنف أشكال وألوان

ومصريين باعوا وطنهم لمسرح عرايس الأمريكان

ونخب محسوبة علي الوطنية لكنهم خوَان

وحدود ملتهبة واحنا في الأصل أهل وجيران

وصراع علي الكرسي الفاني حيفرق بين الاخوان

يا رب احفظ مصر آمنة كما في القرآن

عبد العظيم جاد - مصر

Copyright © 2014 • AHLAN.COM • All Rights Reserved

انشر تعليقك