موضة التغيير

بقلم/ نانسي المنسترلي
مصر : ۱-۱۱-۲۰۱۹ - ۱۲:٤۵ م - نشر

موضة التغييررسالة لينا عن موضة التغيير أقروها يمكن فى يوم تهدِينا..
ربنا أهدانا وطن جميل مابخلش فى وصفه لا فى "قرآن" ولا فى "إنجيل"…
وشعب مهما اختلفت طباعه كلمة (صباح الفُل) بتغير وشه وكأنه انتصر فى موقعة صلاح الدين…
دخلت (الموضة) فى حياتنا..
نوع خطيررر من التغير..
مصيبة سودا لو صح التعبير!!!
من بداية السبعينات اتغير الفكر من أناقة هادية ولبس حرير..
لإنقلابات عامة ودعاوى تحرير!! وأتوجهت أجياااال والتقليد بقة شنِيــــع…
وبس وعليها وحصل التغير الفظيــــع…
وأتغيرنا…!!!
ومع التطور بقينا مُسيرين فى كل حاجة فى حياتنا..
لبس احمر ،شعر منكوش ومضفر، أسلوب مفرفر، وحُكمك على الناس أتغير!!!
هووووب الفلوس اتفرتكت!!! عرقنا هرب منا لجيب الغير..
وأحلامنا اتبدلت!!
أشى تغير عربية، على ٢٠٠ متر شقة، نوع مدرسة ونادى، على كام فسحة جامدة..
وياريتها سكتت… دخلت الملعونة فى تربية ولادنا، أشى No بدل لا!!
على Lap وTab وقشطة وحبشتكنات وحوارات فاكسة!!!!

وأتغيرت قناعتك وحتى أولوياتك!!! وانتهيناخلاص…
(الموضة الموجه) دى أتشطرت علينا غيرتنا بكل ما فينا…
من شعب أصيل, لشعب مستنسخ ثقيل..
بيجرى يبص للغير!!! ولاعارف يبقة اللى جواه, ولا لاحق يعيش اللى بقى عليه!!!

بس وعليها…
نزلت الصبح بدرى أفطر مع عم سليم ومترى, وقعدوا يقوا فيا, بكلام أثر فيا..

* انا مصرى أصيل يا بنتى جدع وقت الشدة, ولا مانشت يصورنى ولا حد حيعرفنى، على باب الله وبجرى أعمل الخير, انا مولود كدة خلاق للموقف, مبدع من يومى فرعون أصيل.

* موضة التغيير لأ.. انا مصرى أصيل يا بنتى بحمد ربنا على اللقمة الهنية, من غير ما أشيل ديون عليا.
واروح فى سابع نومة, وانا فعلا مغمض عينة..

* انا مصرى أصيل وأب, بعلم ولادى يطلعوا ولاد بلد متنورين, محترمين كبيرهم قبل اللغة، أو شهادة ماسخة من غير دين..

* انا مصرى أصيل يا بت  بتحمق لرجولتى لجل الست اللى ماشية فى شارعى، والشهامة بتغلى فى دمى.. أكسر عينى وعدى.. وأقول نهارك جميل..

وبصراحة أنشكحت.. ومن الاكتئاب بسبب موضة التغيير رجعت..  يا سلام عليك يا عمي.. ده مفيش حاجة  فى قلبك غير بس حب بلدك..

يااااه يا جدعان اد ايه كان وحشنى طعم وطنى وسط أهلى وناسى وحبايبى..
اتاريه كان ضايع منى فى تقليبة قناة لعصر غريب عنى.. وصحيت لقيته تحت بيتى على قهوتى وفى شارعى..

* تحيا مصر ومن قلبى أصل عمره المصرى الأصيل ما حينسى ابداً ازاى يكون مصرى…

نانسى المنسترلي

نانسي المنسترلي

مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

Copyright © ۲۰۱۹ AHLAN.COM All Rights Reserved


أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق