يرضيك تزعل ميدو - أهلاً العربية

يرضيك تزعل ميدو

بقلم/
مصر : ۲۰-۹-۲۰۱٤ - ۱۱:۱۹ ص - نشر

medoلو كان يرضيك تزعل ميدو 

ميدو ده طفل مدلل، ركب المترو مع مامته

ميدو لمامته: واااااااااااااااااااااااااااء، اشتريللى دى، ودى عايز لباااااااااااااااااااااااااااااااااااان

مامت ميدو: يا ابنى اسكت دى حاجات وحشة لما ننزل هاشتريلك من عمو اللى جمب البيت

ميدو: ماليش دعوة عععاااااااااااااااااااااااااااااااااا ااهئ اهئ

مامت ميدو: اسكت بقى طيب اهو ترااااااااااااااك تروووووووك يعنى لازم تضرب ميدو: وااااااااااااااااااااااااااااااااااااااااااااوء اءءااااااااااااااااااااااءءءءءءءءءءءءءءءءءءءء

مامت ميدو: اسكت قرفتنى، طيب قوم بص من الشباك

انت: قلبك بيدق ومنتظر الصدمة، وقوف ميدو على الكرسى ميدو: يبص بتناحة على الشباك

ميدو: يقرر يقوم   

حضرتك: بلييييييييييييييييييييييييييزبلاش خليك قاعد فى نفسك طبعا لميدو 

ميدو قام: مش عارف يبص براحته يتحرك ويفرك

شوز ميدو: يلمس هدوم حضرتك عادى خالص  

مامت ميدو لنفسها: مش مهم المهم ميدو يبقى مبسووط  طبعا دى مامته  وهى بتبص عليك وعلى اللطيف ميدو

حضرتك: الراكب الفقير اللى مش عنده عربية طبعا ده ها يكون فى نظر مامت ميدو لو انت اعترضت على ميدو

حضرتك: تفضل تتحرك وتبعد نفسك

ميدو: تحول من الحركة للتنطيط مصمم انه ينضف الكوتشى فى هدومك

طفل بيلعب بقى والاطفال كلها براءة

حضرتك: فى تلك اللحظات الأليمة تبعد اكتر

حضرتك: تنظر لمامت ميدو علها تفهم

مامت ميدو: هههههههههههههاى بس يا ابنى اوعى تشب ها تقع

حضرتك: مرارتك مفقوعةي قع ازاى بس والمترو شباكه عليه حديد

حضرتك تسأل نفسك: اهاااااااااااااا يمكن عشان قلب الأم، وميدو جسمه صغير

أنت: نظرة اخرى لمامت ميدو

مامت ميدو: تنظر اليك بضحكة لطيفة ظناً فيك ان انت فرحان بشقاوة ميدو ودمه اللى زى السكر

انت: ولأنك مواطن متعاون و تشارك فى اسعاد الغير، وعشان ميدو يتنطط براحته تقرر تقوم تقف

مامت ميدو: نظرة وداع لحضرتك وباردو لسة بتضحك هههههههههههههههههههاى 

ميدو: يقرر يقعد تعب بقى 

أنت: فى نفسك وما بين نظرة الى ستيكر المحطات يا باقى ١٢ محطة، والوقفة الخنيييئة تقول

ده ميدو بعد كده مش بس  يقعد  ده يقعد ويحط الكوتشى على رجلى انا اللى استاهل شخص كئييييييييب

يا طنط من فضلك بلاش تخلى ابنك يبص من شباك المترو عشان اللى يجى يقعد بعد حضرتك وحضرته هدومه مش تتبهدل

بجد امهات غريبة عشان الطفل يسكت ويسيبها تخليه يقف على كراسى المترو مش مهم بقى اللى قاعد جمبها يحصل لهدومه ايه

المهم ان الطفل اتبسط و بيضحك

وحضرتك باردو بتضحك وتحاول تتحرك فى مكانك عشان انت غلطان ومضايق

وهى فى عالم اخر وكمان بتضحك عادى جداااااااااااااااااا

وشوية شوية ها تقولك ما تشترى عربية وطالما مش معاك غير تمن المترو يبقى تركب ومش تتأمر

بجد امهات بتفرح الطفل بحاجات تعلمه كل السلوك الخطأ ويبقى الخطأ عنده بعد كده مصدر سعادة

ولكن حاول الراكب البسيييط أن يفهم مامت ميدو أن هناك أتيكيت الركوب والتعامل، وكان منها تقديم الاعتذار

أمنية عزميEgypt, Alexandria

Copyright © 2014 • AHLAN.COM • All Rights Reserved

 

مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق