الرسام

بقلم/
رندة سرور
مصر : ۲۳-۸-۲۰۱٤ - ۷:۱٦ ص - نشر

ضحكوا وقالوا

في زمانه الشاطر

هو الرسام!

يكدب بالألوان

يرسم اسكتشاته بالأوهام

حاجات فوق بعضيها

شخبطه شخبطه!

أي كلام

بره أبيض

جوه أسود

ده كله بيلعب بالألوان!

في ناس تلون قلبها بمشاعرها الصادقه

وفي ناس قلبها مليان ألغام!

وناس تغير لونها مع الأيام

أصل الدنيا معدتش أمان

وناس جواها جناين

توزع ورودها في كل مكان

وناس تفضل علي حالها

مهما تغير الزمان

وناس ترسم الفرحه

فيدوب الحزن أوام أوام

وناس ترسم الحزن في وش الطيابه

وتجرح كمان وكمان!

رندة سرورEgypt, Cairo Governorate

Copyright © 2014 • AHLAN.COM • All Rights Reserved

 

مشاهدة الصور

(تصفح تعليقات الزوار أو أضف تعليق جديد)



مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق


أهلاً تويتر أهلاً فيسبوك