مصر مدا ايديها

بقلم/
مصر : ۱۱-۲-۲۰۱۱ - ٦:۰۷ ص - نشر

عارف انك من زمان مدا لى ايديك

وبتصرخى وبتندهيلى عشان اجيلك

بس سامحينى يا امى كنت متغمى .. ومتكتف

كنت متكمم ……………. كنت خايف

والنهارده جيت ولبيت الندا

جيتلك يا أمى

آخد بإيدك

جيتلك يا غالية وكلى عزيمة و إصرار

جيت بعد ما أخذت القرار

جيت وفاتح صدرى للغيلان

جيتلك ومش خايف …… ما أنا الأمان

أنا وليدك ……… و أنا شهيدك

أنا عبد من ملايين عبيدك

لما تحتاجى الجنود …….. أنا جنودك

لما تشتاقى الضيا ……… أنا نورك

لما تطول بيكى الليالى … أنا شموسك

أنا صرختك ضد الظلم .. أنا صوت زئيرك

عيشى يا بلدى …. وأموت أنا

أنا فدا ترابك وبدمى أرويه

لاجل ما تطرح أرضك خير بلدنا

ومن ترابك وعلى ترابك من تانى انا راح اتولد

وابقى وليدك ……… اللى كان شهيدك

ما تخافيش ابدا يا مصر طول ما أنا ايدى فإيدك

* * * * *

دينا جبر مصر

Copyright © 2011 • AHLAN.COM • All Rights Reserved

 

مشاهدة الصور

(تصفح تعليقات الزوار أو أضف تعليق جديد)



مواضيع مرتبطة


أهـــلاً العربية غير مسئولة عن المحتوى أو مصدره أو صحته
كافة المسئولية الأدبية والقانونية عن المحتوى تقع على الكاتب

تعليق واحد

أهـــــلاً برأيكــم

التعليقات المنشورة لا تعبر عن رأي أهـــلاً العربية وإنما تعبر عن رأي كاتب التعليق


أهلاً تويتر أهلاً فيسبوك